అమరావతి: ముఖ్యమంత్రి చంద్రబాబు నాయుడు నేతృత్వంలో జరగాల్సిన ఆంధ్రప్రదేశ్ మంత్రివర్గ సమావేశం(Andhra Pradesh cabinet meeting postponed) వాయిదా పడింది. తొలుత ఫిబ్రవరి 20న ఈ భేటీని ప్లాన్ చేశారు. అయితే అదే రోజున చంద్రబాబు నాయుడు ఢిల్లీ(Chandrababu Naidu Delhi tour) వెళ్లనున్నారు. ఢిల్లీ కొత్త ముఖ్యమంత్రి ప్రమాణ స్వీకారోత్సవానికి(New Chief Minister of Delhi sworn in) హాజరుకావాలని ముఖ్యమంత్రికి ఆహ్వానం అందింది. ప్రధానమంత్రి నరేంద్రమోదీ(Prime Minister Narendra Modi) కూడా హాజరయ్యే అవకాశం ఉన్నందున ఈ కార్యక్రమాన్ని బీజేపీ హైకమాండ్ ముఖ్యమైనదిగా పరిగణిస్తోంది. దీంతో ఈ కార్యక్రమానికి హాజరయ్యేందుకు చంద్రబాబు నాయుడు ఢిల్లీ వెళ్లనున్నారు. ఆయన ఢిల్లీ నుంచి తిరిగి వచ్చిన నేపథ్యంలో ఆంధ్రప్రదేశ్ మంత్రివర్గ సమావేశం రీషెడ్యూల్ అయ్యే అవకాశం ఉందని పార్టీ వర్గాలు తెలిపాయి. రాష్ట్ర అసెంబ్లీ సమావేశాలు(AP Assembly meetings) త్వరలో ప్రారంభం కానున్న నేపథ్యంలో అంతకంటే ముందే కేబినెట్ సమావేశం నిర్వహించాలని చంద్రబాబు నేతృత్వంలోని కూటమి ప్రభుత్వం ప్లాన్ చేస్తోంది.