హైదరాబాద్: తెలంగాణలో మరో రైతు ఆత్మహత్య(Telangana farmer suicide) కేసులో ఆదివారం ఆదిలాబాద్ జిల్లాలో 40 ఏళ్ల వ్యక్తి జనవరి 12న పురుగుమందు తాగి ఆసుపత్రిలో చికిత్స పొందుతూ ప్రాణాలు కోల్పోయాడు. మృతుడిని ఉట్నూర్‌ మండలం లింగోజిగూడ(Lendiguda Village , Utnoor Mandal) తాండాకు చెందిన రాథోడ్‌ గోకుల్‌గా గుర్తించారు. తొలుత హైదరాబాద్‌లోని ఓ ఆస్పత్రిలో చేర్పించిన ఆయన శనివారం రిమ్స్‌-ఆదిలాబాద్‌కు తరలించగా చికిత్స పొందుతూ చనిపోయాడు. 

మృతుడు పత్తి రైతు కాగా కౌలు భూమిలో పత్తి సాగు చేశాడు. వ్యవసాయం(Agriculture) చేయడంలో నష్టం రావడంతో గోకుల్ అప్పు తీసుకుని తిరిగి చెల్లించలేక తీవ్ర మనస్తాపానికి గురయ్యాడు. దీంతో ప్రాణాలు తీసుకున్నాడు. రైతు మృతితో వారి కుటుంబంలో విషాదఛాయలు అలుముకున్నాయి. తెలంగాణ(Telangana)లో 24 గంటల్లో ఇది రెండో రైతు ఆత్మహత్య. గతంలో ఆదిలాబాద్‌లోని ఓ బ్యాంకులో పురుగుమందు తాగి 48 ఏళ్ల రైతు ఆత్మహత్య చేసుకున్నాడు. మృతుడు బేల మండలం సైదాపూర్‌కు చెందిన రైతు జాదవ్ దేవరావుగా గుర్తించారు.

సోషల్ మీడియా(Social media)లో ప్రజలను కలవరపెట్టే సిసిటివి విజువల్‌లో, తెలంగాణ రైతు తాను రుణాలు తీసుకున్న బ్యాంకులోకి ప్రవేశించి డబ్బాలో నుండి పురుగుమందు తాగుతున్నట్లు కనిపించింది. ఆదిలాబాద్ పోలీసులు తెలిపిన వివరాల ప్రకారం.. రైతుకు స్థానిక ఐసీఐసీఐ బ్యాంకు శాఖలో రూ.3.5 లక్షల రుణం ఉంది. తెలంగాణ రైతు ఆత్మహత్యలకు ప్రభుత్వమే కారణమని భారత రాష్ట్ర సమితి (Bharat Rashtra Samithi) వర్కింగ్ ప్రెసిడెంట్ కెటి రామారావు(KT Rama Rao) ఆరోపించారు. రాష్ట్రంలోని అన్ని రైతు రుణాలను వెంటనే మాఫీ చేయాలని, ఇకపై తెలంగాణలో రైతుల ఆత్మహత్యలు జరగకుండా చూడాలని సిరిసిల్ల ఎమ్మెల్యే కేటీఆర్ కాంగ్రెస్‌ ప్రభుత్వాన్ని కోరారు. రైతు ఆత్మహత్యపై తీవ్ర వేదన వ్యక్తం చేశారు.