ఆస్కార్ 2025 మెచ్చిన వేశ్య చిత్రం

అనోరా చిత్రంలో తన నటనకుగాను ఉత్తమ నటిగా ఆస్కార్ అవార్డు అందుకున్న మైకీ మ్యాడిసన్ 

యావత్ సినీ ప్రపంచం ఆసక్తిగా ఎదురు చూసిన 97వ ఆస్కార్ అవార్డుల సంబరం కన్నుల పండువగా జరిగింది. అకాడమీ అవార్డుల వేడుకకు హాలీవుడ్ ముఖ్య తారాగణంతో పాటు సాంకేతిక నిపుణులు హాజరయ్యారు. ఈ వేడుకలో ‘అనోరా’ అనే చిత్రానికి అవార్డుల పంట పండింది.

ఉత్తమ చిత్రం, ఉత్తమ దర్శకుడు, ఉత్తమ నటి, స్క్రీన్‌ప్లే, ఎడిటింగ్ విభాగాల్లో ‘అనోరా’ అవార్డులను సొంతం చేసుకుంది. ఉత్తమ నటుడిగా ఆడ్రియన్ బ్రాడీ (ది బ్రూటలిస్ట్), ఉత్తమ నటిగా మైకీ మ్యాడిసన్ (అనోరా) అవార్డు అందుకున్నారు. ఉత్తమ దర్శకుడిగా సీన్ బేకర్ (అనోరా)కు అవార్డు దక్కింది. లాస్ ఏంజెలెస్ డాల్బీ థియే టర్‌లో ఈ వేడుక జరిగింది. నటీమణులంతా ట్రెండీ దుస్తు ల్లో వేడుకకు హాజరై ఆకట్టుకున్నారు.