ఫతేపూర్, జూలై 12 : బహుషా.. భూమిపై ఇంకా నూకలు ఉన్నాయంటే ఇదేనేమో..! నెలరోజుల్లో ఏకంగా ఆరుసార్లు పాముకాటుకు గురైన యువకుడు క్షేమంగా బయటపడ్డ సంగతి తెలిసిందే. ఇప్పుడు మరోసారి కాటేసింది. 40 రోజుల్లో ఏకంగా 7 సార్లు పాము కాటుకు గురైనా బతికి బయటపడ్డాడు. వివరాల్లోకి వెళ్తే.. యూపీలోని ఫతేపూర్‌కు చెందిన వికాస్‌దూబే (24) జూన్ 2 నుంచి జూలై ౧౦ మధ్య ఆరుసార్లు పాముకాటు వేసింది. ఆసుపత్రిలో చేర్చడంతో ప్రస్తుతం ఆరోగ్యం నిలకడగా ఉంది. ఈ సందర్భంగా వికాస్ తనకు వచ్చిన కల గురించి తెలిపాడు. ఒకే పాము 8 సార్లు కాటు వేసిందని, చివరిసారి తనను ఎవరూ కాపాడలేరని వివరించాడు. ఎలాంటి చికిత్స అందించినా సరే 9వ సారి పాము కాటు నుంచి తనను ఎవరూ రక్షించలేరని తెలిపాడు.