అమరావతి: ఆంధ్రప్రదేశ్‌లో మూడు కొత్త విమానాశ్రయాలు రానున్నాయని బీజేపీ రాష్ట్ర చీఫ్, రాజమండ్రి ఎంపీ దగ్గుబాటి పురందేశ్వరి వెల్లడించారు. దగదర్తి (నెల్లూరు జిల్లా), కుప్పం (చిత్తూరు జిల్లా), మూలపేట (శ్రీకాకుళం జిల్లా)లో కొత్త విమానాశ్రయాలను ఏర్పాటు చేయనున్నట్లు ఆమె ప్రకటించారు. కేంద్రంలోనూ, రాష్ట్రంలోనూ ఎన్డీయే అధికారంలో ఉన్నందున ఇది సాధ్యమైందని పురంధేశ్వరి పేర్కొన్నారు. డబుల్ ఇంజన్ ప్రభుత్వ హయాంలో ఆంధ్రప్రదేశ్‌లో అభివృద్ధి కార్యక్రమాలు వేగవంతమయ్యాయని ఆమె హైలైట్ చేశారు. ఈ అభివృద్ధి కనెక్టివిటీని పెంపొందించడమే కాకుండా ఆర్థిక ప్రగతిని సాధిస్తుందని ఆమె వివరించారు.