అమరావతి: ఆంధ్రప్రదేశ్ అసెంబ్లీ బడ్జెట్ సమావేశాలు(Andhra Pradesh Assembly budget meetings) రేపటికి వాయిదా పడ్డాయి. గవర్నర్ అబ్దుల్ నజీర్ ఉభయ సభలను ఉద్దేశించి ప్రసంగించారు. వైఎస్ఆర్ కాంగ్రెస్ పార్టీ (వైఎస్ఆర్సీపీ) సభ్యుల నిరసనల మధ్య ఆయన ప్రసంగం కొనసాగింది. ప్రసంగం జరుగుతుండగా, వైఎస్ఆర్సీపీ(Yuvajana Sramika Rythu Congress Party) శాసనసభ్యులు కొద్దిసేపు నిరసన వ్యక్తం చేసి, తర్వాత సభ నుండి వాకౌట్ చేశారు. వారి వాకౌట్ తర్వాత, గవర్నర్ ప్రసంగం ఎటువంటి అంతరాయం లేకుండా కొనసాగింది. తన ప్రసంగాన్ని ముగించిన తర్వాత, గవర్నర్ అబ్దుల్ నజీర్‌(Governor Abdul Nazeer)ను ముఖ్యమంత్రి చంద్రబాబు నాయుడు, అసెంబ్లీ స్పీకర్, శాసనమండలి చైర్మన్ ఆయన వాహనం వరుకు తీసుకెళ్లి వీడ్కోలు పలికారు. తదనంతరం, అసెంబ్లీ సమావేశాన్ని మరుసటి రోజుకు వాయిదా వేశారు. వాయిదా తర్వాత వెంటనే, బిజినెస్ అడ్వైజరీ కమిటీ (బిఎసి) సమావేశం ప్రారంభమైంది. మార్చి 21 వరకు బడ్జెట్ సమావేశాలు నిర్వహించాలని బీఏసీలో నిర్ణయం తీసుకున్నారు.