ప్రయాగ్‌రాజ్: ఉత్తరప్రదేశ్‌లోని ప్రయాగ్‌రాజ్‌లో జరిగిన కుంభమేళాకు హాజరైన ఆంధ్రప్రదేశ్ ఉప ముఖ్యమంత్రి పవన్ కళ్యాణ్(Pawan Kalyan), పశ్చిమ బెంగాల్ ముఖ్యమంత్రి మమతా బెనర్జీ(Mamata Banerjee) ఇటీవలి వ్యాఖ్యల గురించి జాతీయ మీడియాతో మాట్లాడారు. మమతా బెనర్జీ మహా కుంభ్‌ను "మరణ మహాకుంభ్"గా అభివర్ణించారు. ఈ ప్రకటనను పవన్ కళ్యాణ్ తీవ్రంగా ఖండించారు. "ప్రజలు సనాతన ధర్మం(Sanatana dharma), హిందూ మతంపై వ్యాఖ్యలు చేయడం చాలా సులభం అని భావిస్తారు. ఇది మన రాజకీయ నాయకుల సమస్య. వారు హిందూ మతాన్ని విమర్శించినంత సులభంగా ఇతర మతాలను విమర్శించరు. అలాంటి నాయకులతో, ఇది కష్టం అవుతుంది. వారి మాటలు కోట్లాది మంది ప్రజల మనోభావాలను దెబ్బతీస్తాయని వారు గ్రహించరు" అని ఆయన అన్నారు.

కుంభమేళాలో జరిగిన సంఘటనలపై ఆందోళన వ్యక్తం చేస్తూ పవన్ కళ్యాణ్, "కుంభమేళా(Kumbh Mela) సమయంలో కొన్ని సంఘటనలు జరిగితే, దానిని నిర్వహణ వైఫల్యంగా పరిగణించలేము. లక్షలాది మంది భక్తులు హాజరయ్యే కార్యక్రమాన్ని నిర్వహించడం ఏ ప్రభుత్వానికి కూడా ఒక పెద్ద సవాలు అన్నారు. దురదృష్టకర సంఘటనలు జరగాలని ఎవరూ కోరుకోరు. నాకు తెలిసినంతవరకు, యోగి ఆదిత్యనాథ్(Yogi Adityanath) నేతృత్వంలోని ప్రభుత్వం కుంభమేళాను అద్భుతంగా నిర్వహిస్తోంది. కొన్ని సంఘటనలు దురదృష్టకరం, కానీ అలాంటి వ్యాఖ్యలు చేయడం సమర్థనీయం కాదు." అని పవన్ సూచించారు. అనుభవజ్ఞులైన రాజకీయ నాయకులు అలాంటి వ్యాఖ్యలు చేయకుండా ఉండాలని ఉప ముఖ్యమంత్రి(Deputy Chief Minister) సూచించారు. "సీనియర్ రాజకీయ నాయకులకు అలాంటి ప్రకటనలు చేయవద్దని నేను చెబుతున్నాను. నా అభిప్రాయం ప్రకారం, అలాంటి వ్యాఖ్యలు తగనివి" అని మమతా బెనర్జీ వ్యాఖ్యలను పవన్ కళ్యాణ్ విమర్శించారు.