సాయి దుర్గ తేజ్  ‘విరూపాక్ష’, ‘బ్రో’ తర్వాత చేస్తున్న ప్రాజెక్టు ‘ఎస్‌డీటీ 18’గా రూపొందుతోంది. రోహిత్ కేపీ ఈ చిత్రం ద్వారా దర్శకుడిగా పరిచయమవుతున్నారు. ప్రైమ్‌షో ఎంటర్‌టైన్‌మెంట్ పతాకంపై ఈ సినిమాను కె నిరంజన్ రెడ్డి, చైతన్యరెడ్డి నిర్మిస్తున్నారు. ఈ చిత్రానికి సంబంధించి మేకర్స్ మరో అప్‌డేట్‌ను సోమవారం విడుదల చేశారు. ఈ సినిమాలో అనన్య నాగళ్ల కీలక పాత్ర పోషిస్తున్నారు.

ఆమె లుక్‌కు సంబంధించిన పోస్టర్‌ను మేకర్స్ విడుదల చేశారు. పోస్టర్‌లో అందమైన చిరునవ్వుతో అనన్య ఆకట్టుకుంటున్నారు. సాయి దుర్గా తేజ్ మునుపెన్నడూ చేయని పవర్ ఫుల్ క్యారెక్టర్‌లో నటిస్తున్నట్టు తెలుస్తోంది. ఐశ్వర్య లక్ష్మి కథానాయికగా నటిస్తున్నారు. ఈ చిత్రం తెలుగుతో పాటు తమిళం, హిందీ, కన్నడ, మలయాళ భాషల్లో విడుదల కానుంది. జగపతిబాబు, శ్రీకాంత్, సాయికుమార్, అనన్య నాగళ్ల కీలక పాత్రలు పోషిస్తున్నారు. ఈ చిత్రానికి అజనీష్ లోక్‌నాథ్ సంగీతం అందిస్తున్నారు.