సరిచేసి ఎగురవేసిన మున్సిపల్ చైర్మన్

గజ్వేల్: గజ్వేల్ ప్రజ్ఞాపూర్ మున్సిపల్ కార్యాలయంలో జాతీయ జెండా తలకిందులైంది. గురువారం స్వాతంత్ర దినోత్సవ సందర్భంగా జాతీయ జెండాను మున్సిపల్ చైర్మన్ ఎగరవేయడానికి ప్రయత్నిస్తుండగా జెండా తలకిందులుగా ఉన్నట్లు గుర్తించారు. వెంటనే కిందకు దించి సరిచేసి మున్సిపల్ చైర్మన్ ఎన్ సి రాజమౌళి జెండాను ఎగురవేశారు. ప్రతి సంవత్సరం జెండాను సిద్ధం చేసే సిబ్బంది ఊరికి వెళ్లాలన్న తొందర్లో జెండాను తలకిందులుగా పట్టి ఉండవచ్చని మున్సిపల్ వర్గాలు ఈ సందర్భంగా చర్చించుకోవడం కనిపించింది. మున్సిపల్ కమిషనర్, ఇతర విభాగాల అధికారులు కూడా జెండాను ముందుగా పరిశీలించకపోవడం, పూర్తి బాధ్యత మున్సిపల్ కార్మికులపై వేయడం వారి నిర్లక్ష్యాన్ని తెలియజేస్తుంది.