రోషన్ కథానాయకుడిగా తెరకెక్కుతున్న చిత్రం ‘ఛాంపియన్’. పీరియాడికల్ బ్యాక్‌డ్రాప్ లో డైరెక్టర్ ప్రదీప్ అద్వైతం దర్శకత్వంలో స్వప్న సినిమాస్, ఆనంది ఆర్ట్ క్రియేషన్స్, కాన్సెప్ట్ ఫిల్మ్స్ సంస్థలు సంయుక్తంగా నిర్మించనున్నాయి. ఈ సినిమా రెగ్యులర్ షూటింగ్ శనివారం పూజా కార్యక్రమాలతో ప్రారంభమైంది. స్టార్ డైరెక్టర్ నాగ్ అశ్విన్ ఫస్ట్ షాట్‌కు క్లాప్‌నిచ్చారు. రోషన్ ఈ సినిమా కోసం కంప్లీట్ మేకోవర్ అయ్యారు. ఆర్ మధి సినిమాటోగ్రఫీని నిర్వహిస్తుండగా, తోట తరణి ఆర్ట్ డైరెక్టర్‌గా వ్యవహరిస్తున్నారు. ఇతర నటీనటులు, సాంకేతిక నిపుణుల వివరాలు మేకర్స్ త్వరలోనే తెలియజేయనున్నారు.