సాయిపల్లవి.. పేరు వినగానే యూత్ మనసు అల్లకల్లోలమవుతుంది. అందం, అభినయంల కలబోత. అంతటి ముద్డుగుమ్మ సీతమ్మగా ప్రేక్షకుల ముందుకు రాబోతున్నారు. బాలీవుడ్‌లో నితేశ్ తివారి దర్శకత్వంలో ‘రామాయణ’ చిత్రం రూపొందుతోంది. రణబీర్ కపూర్ రాముడిగా నటిస్తున్నారు. హీరో యష్ రావణుడిగా కనిపించబోతున్నారు.

అయితే మేకర్స్ మాత్రం ఈ సినిమాకు సంబంధించి ఒక్కటంటే ఒక్క లీక్ కూడా బయటకు రాకుండా జాగ్రత్త పడుతున్నారు. అయితేనేమి సోషల్ మీడియా ఉన్నంత కాలం లీక్స్ ఎలాగోలా బయటకు వస్తూనే ఉంటాయి. ఈ చిత్రం రెండు భాగాలుగా విడుదల కానుంది. వచ్చే ఏడాది దీపావళికి తొలి భాగం విడుదల కానుండగా.. 2026లో రెండో భాగం విడుదల కానుంది.

డిసెంబర్ తొలి వారం నుంచి రామాయణ క్లుమైక్స్ షూటింగ్ జరగనుందట. అందులో సాయి పల్లవికి చెందిన సన్నివేశాలే హైలైట్ అని తెలుస్తోంది. ముఖ్యంగా సాయి పల్లవికి నటనను బీభత్సంగా ఎలివేట్ చేసేవి ఉంటాయని సమాచారం. మొత్తానికి ‘రామాయణ’ సాయిపల్లవికి హిందీలో భారీ ఎత్తున ఎలివేషన్ ఇస్తుందనడంలో సందేహం లేదు.