న్యూఢిల్లీ: భారతీయ జనతా పార్టీ (Bharatiya Janata Party) ఫిబ్రవరి 5 ఢిల్లీ అసెంబ్లీ ఎన్నికల కోసం తన మ్యానిఫెస్టో మూడవ భాగాన్ని శనివారం విడుదల చేసింది. 1,700 అనధికార కాలనీలలో యాజమాన్య హక్కులు, అధికారంలోకి వస్తే మూడేళ్లలో యమునా నదిని శుభ్రపరుస్తాయమని కేంద్ర హోం మంత్రి అమిత్ షా(Union Home Minister Amit Shah) పేర్కొన్నారు. బీజేపీ “గిగ్ వర్కర్ల కోసం సంక్షేమ బోర్డును ఏర్పాటు చేస్తుంది. రూ. 10 లక్షల బీమా, రూ. 5 లక్షల ప్రమాద కవర్‌ను అందజేస్తుంది” అని పార్టీ ‘సంకల్ప్ పత్ర’3.0 పేరుతో కీలక హామీలను విలేకరుల సమావేశంలో అమిత్ షా ప్రకటించారు. ఇప్పటికే బీజేపీ సంకల్ప్ పత్ర(BJP sankalp patra)-1,2లను విడుదల చేసిన విషయం తెలిసిందే. 

1,700 అనధికార కాలనీల్లో కొనుగోలు, అమ్మకం, నిర్మాణం సహా పూర్తి యాజమాన్య హక్కులను బీజేపీకి కల్పిస్తామని హామీ ఇచ్చారు. ఢిల్లీలో బీజేపీ అధికారంలోకి వస్తే తొలి కేబినెట్ సమావేశంలోనే ఆయుష్మాన్ భారత్ పథకాన్ని అమలు చేస్తామన్నారు. ఢిల్లీలో అధికారంలోకి వచ్చిన తర్వాత, భాజపా యమునా నది(Yamuna River)ని 3 సంవత్సరాలలో శుభ్రపరుస్తుంది, ”అని షా చెప్పినట్లు పిటిఐ పేర్కొంది. “ప్రతి పేద మహిళకు ప్రతి నెల రూ.2500 ఆర్థిక సహాయం అందజేస్తాం... ప్రతి గర్భిణీ స్త్రీకి రూ.21000 ఆర్థిక సహాయం, 6 పోషకాహార కిట్‌లు అందజేస్తారు. ఎల్పీజీ సిలిండర్‌లు(LPG cylinder) రూ.500కి అందించబడతాయి. అదనంగా, హోలీ,దీపావళి సందర్భంగా ప్రతి ఇంటికి ఒక ఉచిత సిలిండర్ ఇవ్వబడుతుంది. ఆయుష్మాన్ పథకం(Ayushman Bharat Yojana) కింద రూ.5 లక్షల వరకు ఉచిత చికిత్స మొదటి క్యాబినెట్‌లోనే అమలు చేయబడుతుంది. అదనంగా రూ. 5 లక్షల విలువైన ఉచిత చికిత్సను ఢిల్లీ ప్రభుత్వం(Delhi Government) అందజేస్తుంది. ఇది మొత్తం రూ.10 లక్షలు అవుతుంది ”అని అమిత్ షా తెలిపారు.