అల్లు అర్జున్-త్రివిక్రమ్ కలయికలో వచ్చిన చిత్రాలెన్నో బాక్సాఫీస్ వద్ద భారీ వసూళ్లు సాధించాయి. వీరిద్దరి కాంబో లో మరో సినిమా తెరకెక్కనున్న విషయం తెలిసిందే. ప్రస్తుతం ఈ సినిమా ప్రీ ప్రొడక్షన్ వర్క్ నడుస్తోంది. అల్లు అర్జున్ ‘పుష్ప’ తర్వాత వస్తున్న చిత్రం కావడంతో సినిమాపై అంచనాలు భారీగానే ఉన్నాయి.

దీనికి తగ్గట్టుగానే త్రివిక్రమ్ ప్లాన్ చేస్తున్నట్టు సమాచారం. గతంలో వీరిద్దరి కాంబోలో వచ్చిన మూడు సినిమలు.. ‘జులాయి’, ‘సన్ ఆఫ్ సత్యమూర్తి’, ‘అల వైకుంఠపురంలో’ చిత్రాలు మంచి సక్సెస్ సాధించాయి. అయితే నాలుగో చిత్రం కోసం త్రివిక్రమ్ మంచి కథను సిద్ధం చేశారట. దీనిలో అల్లు అర్జున్ పాత్ర కూడా మునుపెన్నడూ చేయనివిధంగా ఉంటుందట.

త్రివిక్రమ్ సైతం డిఫరెంట్ కాన్సెప్ట్‌ని ట్రై చేస్తున్నారని తెలుస్తోంది. మహాశివుడి తనయుడు కార్తికేయుని కథను సినిమా గా మలచబోతున్నారట త్రివిక్రమ్. కార్తికేయుడు.. యుద్ధ దేవుడిగా ఎలా మారా డు? తన తండ్రి ఈశ్వరున్ని తిరిగి కలుసుకునేందుకు ఎలాంటి ప్రయాణం సాగిం చాడు? అనే అంశాలను ఆధారంగా చేసుకుని త్రివిక్రమ్ కథను రూపొందించారని ప్రచారం జరుగుతోంది.

ఈ ప్రచారం నిజమైతే.. అల్లు అర్జున్ కెరీర్‌లో ‘పుష్ప’ను మించి ది బెస్ట్ సినిమాగా నిలుస్తుంది. త్వరలోనే ఈ సినిమాపై అధికారిక ప్రకటన వెలువడుతుందని సమాచారం.