హైదరాబాద్: మంథని మండలం నాగేపల్లి చౌరస్తా వద్ద శనివారం ఉదయం జరిగిన రోడ్డు ప్రమాదంలో కనీసం 16 మంది వ్యవసాయ కూలీలు(Agricultural labourers injured ) గాయపడ్డారు. మంథని-కాటారం ప్రధాన రహదారిలోని నాగేపల్లి సమీపంలో వాహనం స్టీరింగ్ రాడ్ విరిగిపోవడంతో బాధితులు ప్రయాణిస్తున్న ఆటోరిక్షా ట్రాలీ బోల్తా పడటంతో ఈ సంఘటన జరిగింది. పోలీసులు తెలిపిన వివరాల ప్రకారం, మంథని మండలం(Manthani Mandal) బట్టుపల్లికి చెందిన కార్మికులు మిరప తోటల్లో పని చేయడానికి మల్లారంకు వెళుతున్నారు. గాయపడిన 16 మంది కార్మికులలో, ముగ్గురు మహిళలు, బొండాల కిష్టమ్మ, అప్పల శైలజ, అప్పల వనితకు  తీవ్ర గాయాలపాలయ్యారు. వారిని చికిత్స కోసం కరీంనగర్ ఆసుపత్రి(Karimnagar Hospital)కి తరలించగా, మిగిలిన వారిని గోదావరిఖని ప్రభుత్వ ఆసుపత్రిలో చేర్చారు. రవాణా మంత్రి పొన్నం ప్రభాకర్(Minister Ponnam Prabhakar) ఈ సంఘటనపై ఆందోళన వ్యక్తం చేశారు. ఆయన కలెక్టర్‌తో ఫోన్‌లో మాట్లాడి ప్రమాదం గురించి ఆరా తీశారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.