డేవిడ్ ఆండర్సన్ దర్శకత్వంలో ఎరిక్ ఆండర్సన్ నిర్మాతగా రూపొందిన చిత్రం ‘ఏజెంట్ గై 001’. ఈ హాలీవుడ్ డబ్బింగ్ చిత్రం జనవరి 31న ప్రేక్షకుల ముందుకు వచ్చేందుకు సిద్ధమవుతోంది. ఈ చిత్రానికి ఆంటోన్ క్లౌడ్ జంపర్ గెస్టిన్ సంగీతాన్ని అందించారు. ఈ సినిమాలో బాల్టాజర్ ఫ్లోటో, ఆంటోనీ స్జోలండ్, మిల్టన్ బిజోర్నెగ్రెన్, నాట్ వెస్ట్ బ్యాక్, ఓమర్ మీర్జా కీలక పాత్రలో నటించారు. ఈ చిత్రాన్ని తెలుగులో దీప ఆర్ట్స్ బ్యానర్‌పై పీ శ్రీనివాస గౌడ్ నిర్మించగా.. సహ నిర్మాతగా హేమంత్ వ్యవహరించారు. 

ఇప్పటికే తెలుగులో ఈ సినిమా ట్రైలర్ విడుదలై ఆకట్టుకుంది. జేమ్స్ బాండ్ చిత్రాల తరహాలో వస్తున్న మరొక అద్భుతమైన యాక్షన్, అడ్వెంచర్లు కలిగిన చిత్రంగా ఈ సినిమా ఉండబోతున్నట్లు అర్థమవుతోంది. డబ్బు చుట్టూ తిరిగే ఒక పొలిటికల్ డ్రామాలా కనిపిస్తోంది. మేయర్ సీటు కోసం జరిగే ఫైట్స్ అలాగే కొన్ని అడ్వెంచర్లు ఉన్నట్లు తెలుస్తోంది.