ఆదిలాబాద్ (విజయక్రాంతి): ఆదిలాబాద్ జిల్లా ఇచ్చోడ మండలంలో జరిగిన రోడ్డు ప్రమాద ఘటనలో టిప్పర్ క్యాబిన్ లో ఇరుక్కున్న ఓ డ్రైవర్ ప్రాణాలను కాపాడేందుకు నేషనల్ హైవే  అంబులెన్స్ సిబ్బంది, ఫైర్ సిబ్బంది గంటల పాటు శ్రమించారు. రోడ్డు నిర్మాణంకు ఉపయోగించే కంకర లోడ్ ను సుంకిడి నుండి ఇచ్చోడ వైపు తరలిస్తున్న టిప్పర్ వాహనం ఇచ్చోడ మండలం గాంధీనగర్ వద్ద జాతీయ రహదారిపై బుధవారం బోల్తా పడింది. ఈ ప్రమాదంలో డ్రైవర్ దినేష్ క్యాబిన్ లో ఇరుకోవడంతో ఆయనకు తీవ్ర గాయాలయ్యాయి. వెంటనే స్థానికుల ద్వారా సమాచారం అందుకున్న హైవే అంబులెన్స్, ఫైర్ సిబ్బంది ఘటన స్థలానికి చేరుకొని చాలా సేపు శ్రమించి క్యాబిన్ లో ఇరుక్కున్న డ్రైవర్ దినేష్ ను సురక్షితంగా బయటకు తీసి, రిమ్స్ ఆస్పత్రికి తరలించారు. దీంతో అందరూ ఊపిరి పీల్చుకున్నారు.