భద్రాచలం (విజయక్రాంతి): భద్రాచలం పట్టణంలోని ఐటీడీఏ కార్యాలయ ప్రాంగణంలో నిర్మించి ఉన్న ఆదివాసి మ్యూజియంలో సరికొత్తగా ఆదివాసీల జీవనశైలి ప్రతిబింభించేలా ఆదివాసి గృహాలు నిర్మించి, వారు నిత్యం తీసుకునే ఆహారాల ప్రదర్శన కోసం స్టాల్స్, పార్క్ ను ఆదివాసీ సంఘాల నాయకులు సోమవారం సందర్శించి పరిశీలించారు. ఈ సందర్భంగా వారు మాట్లాడుతూ... ఆదివాసి మ్యూజియాన్ని సరికొత్త హంగులతో తీర్చిదిద్దుతూ, ఆదివాసిలు నివసించే గృహాలను నిర్మించి ఆదివాసి వంటకాల కోసం స్టాల్స్ ఏర్పాటు చేయడం అభినందనీయం అని ప్రాజెక్టు అధికారిని కొనియాడారు. ఈ సందర్భంగా వారు ప్రాజెక్ట్ అధికారిని కలిసి ఆదివాసీల ఆచార వ్యవహారాలకి సంబంధించి చర్చించి మ్యూజియంలో మార్పులు చేర్పులపై పలు సూచనలు చేశారు. ఈ కార్యక్రమంలో భద్రాచలం ఆదివాసి సమితి అధ్యక్షులు పూనేం కృష్ణ దొర, ప్రధాన కార్యదర్శి, అడ్వకేట్ పాయం రవివర్మ, కొండ రెడ్ల సంఘం వ్యవస్థాపక గౌరవ అధ్యక్షులు ముర్ల రమేష్ దొర, ఏఈడబ్ల్యుసిఏ రాష్ట్ర నాయకులు కొండ్రు వీరస్వామి, ఆదివాసి నాయకులు సోoదే రవికుమార్, కనితి రాధ, నాయకులు పాల్గొన్నారు.