హైదరాబాద్: ఆదిలాబాద్‌ నుంచి 50 మంది ప్రయాణికులతో వెళ్తున్న టూరిస్ట్‌ బస్సు ఉత్తరప్రదేశ్‌(Uttar Pradesh)లోని బృందావన్‌లో ఘోర ప్రమాదానికి గురైంది. అనుకోకుండా బస్సులో మంటలు చెలరేగడంతో ఈ ఘటన చోటుచేసుకుంది. బస్సులో పెద్ద ఎత్తున మంటలు చోటుచేసుకోవడంతో పోలీసులు, అగ్నిమాపక బృందాలతో సహా అత్యవసర సేవలను వెంటనే అప్రమత్తం అయ్యాయి. ఈ ప్రమాదంలో నిజామాబాద్ జిల్లా కుభీర్ మండలం పల్సి గ్రామాని(Nizamabad District Kubhir Mandal Palsi Village)కి చెందిన శీలం ధృపత్ (63) అనే ప్రయాణికుడు ప్రాణాలు కోల్పోగా, మిగిలిన 49 మంది ప్రయాణికులు క్షేమంగా బయటపడ్డారని అడిషనల్ ఎస్పీ సిటీ అరవింద్ కుమార్(Additional SP City Arvind Kumar) తెలిపారు. తెలంగాణ నుంచి ప్రయాగ్‌రాజ్ మహా కుంభ్‌కు యాత్రికులు వెళ్తున్న ప్రైవేట్ బస్సు మంగళవారం మంటల్లో చిక్కుకోవడంతో వృద్ధ ప్రయాణీకుడు ప్రాణాలు కోల్పోయాడని వెల్లడించారు.

కాగా, బస్సు డిసెంబర్ 1న ఆదిలాబాద్ నుండి బయలుదేరింది. ప్రయాణికులు నిన్న సాయంత్రం బృందావన్ ఆలయాన్ని సందర్శించారు, ధృపత్ ఆరోగ్య సమస్యల కారణంగా బస్సులోనే ఉండిపోయాడు. వారు తిరిగి వచ్చిన తర్వాత, వాహనం పూర్తిగా దగ్ధమైందని వారు కనుగొన్నారు. బీడీ వెలిగించిన కారణంగానే మంటలు చెలరేగి ఉండొచ్చని అనుమానాలు వ్యక్తమవుతున్నాయి. సీనియర్ పోలీసు అధికారులు సంఘటనా స్థలానికి చేరుకుని సహాయక చర్యలను పర్యవేక్షించారు. మృతికి గల కారణాలను గుర్తించేందుకు మృతదేహాన్ని పోస్ట్‌మార్టం నిమిత్తం పంపినట్లు కుమార్‌ తెలిపారు. విషయం తెలుసుకున్న కేంద్ర మంత్రి బండి సంజయ్(Union Minister Bandi Sanjay), ముథోల్ ఎమ్మెల్యే రామారావు పటేల్ వెంటనే తక్షణమే స్పందించారు. ఘటనకు సంబంధించి మథుర జిల్లా కలెక్టర్, పోలీసు సూపరింటెండెంట్‌తో మాట్లాడారు. అగ్నిప్రమాదంలో తమ వస్తువులన్నీ కోల్పోయిన బాధిత ప్రయాణికులు ప్రస్తుతం స్థానిక పోలీసులు, ఆర్‌ఎస్‌ఎస్ వాలంటీర్ల సంరక్షణలో ఉన్నట్లు సమాచారం. అదనంగా, వారు తమ ఇళ్లకు తిరిగి రావడానికి ఆర్థిక సహాయం అందించారు.