మహేశ్ బాబు సినిమా సైలెంట్‌గా ప్రారంభమైపోయింది. నటీనటులకు, సాంకేతిక బృందానికి పక్కాగా కొన్ని రూల్స్ పెట్టి మరీ రాజమౌళి ఈ సినిమాను తెరకెక్కించే పనిలో పడ్డారు. ‘ఎస్‌ఎస్‌ఎంబీ 29’ అనే వర్కింగ్ టైటిల్‌తో ఈ చిత్రం రూపొందుతోంది. అయితే ఈ సినిమా గురించి ఒక వార్త ప్రచారంలో ఉంది.

ఈ సినిమాలో నటుడు పృథ్వీరాజ్ సుకుమారన్ ఈ చిత్రంలో ప్రతి నాయకుడిగా కనిపించనున్నారంటూ టాక్ నడుస్తోంది. దీనిపై తాజాగా పృథ్వీరాజ్ స్పందించారు. ‘ఎస్‌ఎస్‌ఎంబీ 29’లో నటించే విషయమై ఆయన స్పష్టతనిచ్చారు. తనకంటే తన గురించిన విషయాలు మీడియా, నెటిజన్లకే తెలుస్తున్నాయని పేర్కొన్నారు.

“నాకంటే మీడియా, నెటిజన్లకే ముందుగా చాలా విషయాలు తెలుస్తున్నాయి. ఇంకా ఏదీ స్పష్టత రాలేదు. చర్చల దశలోనే ఉన్నాయి. ఫైనల్ అయ్యాక దాని గురించి మాట్లాడుకుందాం” అని పేర్కొన్నారు. దుర్గా ఆర్ట్స్ పతాకంపై కేఎల్ నారాయణ ఈ చిత్రాన్ని నిర్మిస్తున్నారు. ఈ సినిమా ప్రియాంక చోప్రా కీలక పాత్ర పోషిస్తున్నారు.