మునిసిపల్​ కమిషనర్​ వెంకటేశ్వర్లు

జనగామ: దుకాణాల్లో ప్లాస్టిక్​ కవర్లు వినియోగిస్తే చర్యలు తప్పవని జనగామ మునిసిపల్​ కమిషనర్​ వెంకటేశ్వర్లు హెచ్చరించారు. బుధవారం జనగామ పట్టణంలో మునిసిపల్​ శాఖ ఆధ్వర్యంలో స్వచ్ఛతా హీ సేవా కార్యక్రమాన్ని నిర్వహించారు. ఇందులో భాగంగా పట్టణంలో అక్కడక్కడ చెత్తకుప్పలను తొలగించి పరిసరాలను పరిశుభ్రంగా మార్చారు. కమిషనర్​ వెంకటేశ్వర్లు ఆధ్వర్యంలో పలు షాపులను తనిఖీ చేసి ప్లాస్టిక్​ కవర్లు వినియోగించవద్దని సూచించారు. అనంతరం మహిళలకు రూ.500 గ్యాస్​ కనెక్షన్​ ప్రొసీడింగ్​ పత్రాలు అందజేశారు. ఈ కార్యక్రమంలో శానిటరీ ఇన్​స్పెక్టర్​ మల్లిగారి మధు, ఆర్​పీ భద్రమ్మ, సిబ్బంది పాల్గొన్నారు.