హీరో టోవినో థామస్ నటిస్తున్న 50వ చిత్రం ‘ఏఆర్‌ఎం’. ఈ ఫాంటసీ మూవీలో  కృతిశెట్టి, ఐశ్వర్య రాజేశ్, సురభి లక్ష్మి హీరోయిన్లు. జితిన్ లాల్ దర్శకుడిగా పరిచయమవుతున్న ఈ సినిమాను డాక్టర్ జకారియా థామస్‌తో కలిసి లిస్టిన్ స్టీఫెన్ నిర్మించారు. ఈ చిత్రాన్ని తెలుగులో మైత్రీ మూవీ మేకర్స్ డిస్ట్రిబ్యూటర్స్ విడుదల చేస్తున్నారు. సెప్టెంబర్ 12న ప్రేక్షకుల ముందుకు రానున్న నేపథ్యంలో ప్రీరిలీజ్ ఈవెంట్ మంగళవారం హైదరాబాద్‌లో నిర్వహించారు. ఈ వేడుకలో హీరో టోవినో మాట్లాడుతూ.. ‘దర్శకుడు ఈ కథ చెప్పి, మూడు పాత్రలను నేనే ఎందుకు చేయాలో వివరంగా చెప్తే ఒప్పుకున్నా. అక్కడి నుంచి ఈ సినిమా ఒక డ్రీమ్‌లా జరిగింది. మరో మూడు రోజుల్లో ఆ డ్రీమ్ నిజం కాబోతోంది’ అన్నారు.  ఇంకా ఈ కార్యక్రమంలో మూవీ టీమ్ పాల్గొన్నారు.