బెల్లంపల్లి, (విజయక్రాంతి): కాసిపేట మండలంలోని ముత్యం పల్లి గ్రామానికి చెందిన దాడి సాయి తేజ అనే యువకుడిని నగదు దొంగతనం కేసులో అరెస్టు చేసినట్లు కాసిపేట ఎస్సై వొళ్ళాల ప్రవీణ్ తెలిపారు. ముత్యం పల్లి గ్రామానికి చెందిన బోడకుంట శ్యాంసుందర్ తన కుటుంబ సభ్యులతో బయటికి వెళ్లిన క్రమంలో గుర్తుతెలియని వ్యక్తులు అతని ఇంట్లో బీరువాలో ఉంచిన రూ 80 వేల నగదును దొంగిలించారు. బాధితుడు శ్యాంసుందర్ ఇచ్చిన ఫిర్యాదు మేరకు దర్యాప్తులో భాగంగా నమ్మదగిన సమాచారం మేరకు దాడి సాయి తేజను సోమ గూడెం ఎక్స్ రోడ్డు వద్ద పట్టుకున్నట్లు తెలిపారు. నిందితుని వద్దనుండి నగదు తో పాటు ఒక మొబైల్ ఫోన్ స్వాధీనపరచుకొని సీజ్ చేయడం జరిగిందని తెలిపారు. నిందితుని జ్యూడిషియల్ రిమాండ్ కు తరలించినట్లు ఎస్సై ప్రవీణ్ తెలిపారు.