కోదాడ (విజయక్రాంతి): సూర్యాపేట జిల్లా చిలుకూరు మండలం జెర్రిపోతులగూడెం గ్రామానికి చెందిన షేక్ బాబా (37) ప్రమాదవశాత్తు మృతి చెందాడు. ఏఎస్సై రాములు తెలిపిన వివరాల ప్రకారం ఈ నెల 24న రాత్రి 9.30 నిమిషాల సమయంలో షేక్ బాబా అదే గ్రామంలోని షేక్ పాషాకు చెందిన ట్రాక్టర్ తీసుకొని రైస్ మిల్లులో ధాన్యం అన్‌లోడింగ్ చేసి తిరిగివచ్చే క్రమంలో గరిడేపల్లి మండలం ఎల్ బి నగర్ శివారు ట్రాక్టర్ అదుపు తప్పి ఫుట్‌పాత్‌ను డీకొట్టడంతో షేక్ బాబాకు ఛాతిబాగంలో గాయాలయ్యాయి. 108 వాహనంలో హుజూర్‌నగర్ ప్రభుత్వాస్పత్రికి తరలించగా వైద్యులు పరిశీలించి అప్పటికే మృతి చెందినట్లు నిర్దారించారు. మృతుడికి భార్య, ఇద్దరు మగ పిల్లలు ఉన్నట్లు తెలిపారు. మృతుడి భార్య షేక్ రేష్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏఎస్సై రాములు పేర్కొన్నారు.