ఉత్తర్వులు జారీ చేసిన రవాణా శాఖ..

జనగామ (విజయక్రాంతి): రీజినల్​ ట్రాన్స్​పోర్ట్​ అథారిటీ(ఆర్​టీఏ) జనగామ జిల్లా మెంబర్​గా ఎన్​ఎస్​యూఐ జిల్లా అధ్యక్షుడు అభిగౌడ్​కు అవకాశం దక్కింది. ఆయనను జిల్లా మెంబర్​గా నియమిస్తూ రాష్ట్ర రవాణా శాఖ ఈ నెల 25న ఉత్తర్వులు జారీ చేసింది. ఈ మేరకు శనివారం హైదరాబాద్​లో రవాణా శాఖ మంత్రి పొన్నం ప్రభాకర్​ చేతుల మీదుగా ఉత్తర్వు కాపీని అభిగౌడ్​ అందుకున్నారు. ఆర్​టీఏ కమిటీకి చైర్మన్​గా జిల్లా కలెక్టర్​ వ్యవహరించనుండగా... మెంబర్​ సెక్రటరీగా డీటీవోను నియమించారు. వీరికి తోడుగా అభిగౌడ్​కు సభ్యుడిగా ప్రభుత్వం అవకాశం ఇచ్చింది. రెండేళ్ల పాటు ఆయన ఈ హోదాలో కొనసాగనున్నారు. తన ఈ అవకాశం కల్పించినందుకు రవాణా శాఖ మంత్రి పొన్నం ప్రభాకర్​గౌడ్​కు అభిగౌడ్​ కృతజ్ఞతలు తెలిపారు. ఆర్​టీఏ సేవలను మరింత ప్రజలకు చేరువ చేయడంలో తన వంతు పాత్ర పోషిస్తానని అన్నారు.