పట్టుకొని అరెస్టు చేసిన పోలీసులు

నిజామాబాద్ (విజయక్రాంతి): నిజామాబాద్ జిల్లాలో ఏటీఎంలో చోరీ చేస్తున్న ఓ యువకుడిని పోలీసులు పట్టుకున్న సంఘటన ఆదివారం అర్ధరాత్రి చోటుచేసుకుంది. పోలీసుల కథనం ప్రకారం వివరాలు ఇలా ఉన్నాయి. నిజామాబాద్ నగరంలోని సీతారాంనగర్ కాలనీ లోగల ఎస్బిఐ ఎటిఎం క్యాష్ బాక్స్ పగలగోట్టడానికి ఓ యువకుడు ప్రయత్నిస్తుండగా బ్యాంకు అలారం మోగడంతో బ్యాంకు సిబ్బంది పోలీసులకు సమాచారం ఇచ్చారు. పెట్రోలింగ్ చేస్తున్న కానిస్టేబుల్, ఎస్బిఐ ఏటీఎం వద్దకు వెళ్లేసరికి నిందితుడు మహేందర్ ఏటీఎంను పగలకొడుతున్నాడు. అతనిని పట్టుకొని స్టేషన్ కు తరలించినట్లు పోలీసులు తెలిపారు. చోరీకి యత్నించిన నిందితుడిది ఎడపల్లి మండలం పోచారం గ్రామానికి చెందిన మహేష్ గా పోలీసులు గుర్తించారు. సోమవారం అరెస్టు చేసి రిమాండ్ కు పంపినట్లు పోలీసులు తెలిపారు.