ఈ ఘటనలో 5 గురికి తీవ్రగాయలు, 37మందికి స్వల్ప గాయలు

అల్లంపూర్ జోగులాంబ దర్శనానికి వెళుతున్న క్రమంలో ఘటన

పెబ్బేరు: వనపర్తి జిల్లా పెబ్బేరు మున్సిపల్ పట్టణ సమీపంలో ఉన్న 44వ జాతీయ రహదారిపై శుక్రవారం తెల్లవారుజామున వోల్వో బస్సు అదుపు తప్పి పంట పొలాల్లోకి దూసుకెళ్లిన సంఘటన చోటు చేసుకుంది. ప్రయాణికులు తెలిపిన వివరాల ప్రకారం.. పెద్దపల్లి జిల్లా ఊరంపల్లి గ్రామానికి చెందిన 14మంది, కరీంనగర్ జిల్లా దుర్షెడ్ గ్రామానికి చెందిన 35మంది ప్రయాణికులు ఉన్నారు. అల్లంపూర్ జోగులాంబ అమ్మవారి దర్శనానికి వెళుతున్న క్రమంలో ఈ సంఘటన చోటు చేసుకున్నట్లు చెప్పారు. ఈ ఘటనలో 37మందికి స్వల్ప గాయలైన వారిని స్థానిక ప్రాథమిక ఆరోగ్య కేంద్రంలో చికిత్స అందిస్తున్నారు. తీవ్ర గాయలైన 5 మందిని వనపర్తి ప్రభుత్వ ఆసుపత్రికి తరలించినట్లు తెలిపారు. బస్సు డ్రైవర్ చాకచక్యంగా వ్యవహరించడంతో ప్రాణ నష్టం జరుగలేదని ప్రయాణికులు తెలిపారు.