బండి సరోజ్ కుమార్ హీరోగా నటిస్తూ దర్శకత్వం వహిస్తున్న చిత్రం ‘పరాక్రమం’. శతి సమన్వి, నాగలక్ష్మి, మోహన్ సేనాపతి, నిఖిల్ గోపు, అనిల్ కుమార్ ప్రధాన పాత్రల్లో నటిస్తున్నారు. ఈ నెల 22న థియేటర్ల ద్వారా రిలీజ్ కానున్న ఈ సినిమా ట్రైలర్ విడుదలైంది. హైదరాబాద్‌లో నిర్వహించిన ఈ కార్యక్రమంలో హీరో సందీప్ కిషన్, నిర్మాత ఎస్‌కేఎన్ అతిథులుగా పాల్గొన్నారు. ఈ సందర్భంగా హీరో సందీప్ కిషన్ మాట్లాడుతూ.. “సరోజ్ చాలా జెన్యూన్ ఫిలిం మేకర్. ఆయన వ్యక్తిత్వమూ అలాంటిదే.

‘పోర్కాలం’ సినిమా చూసి ఆయనను ఫేస్‌బుక్‌లో వెతికి మరీ టచ్‌లోకి వెళ్లా. పరాక్రమం ఒక జెన్యూన్ ఫిల్మ్. ఈ సినిమా మీ ఆదరణ పొందాలి‘’ అన్నారు. సరోజ్ మాట్లాడుతూ.. “పరాక్రమం’ ప్రతి సామాన్యుడికీ కనెక్ట్ అయ్యే సినిమా. ప్రేక్షకులు తమను తాము తెరపై చూసుకున్నట్టుంటుందీ సినిమా. నేను అభిమానించే చిరంజీవి పుట్టిన రోజున ‘పరాక్రమం’ రిలీజ్ చేసుకోవడం సంతోషంగా ఉంది” అని చెప్పారు. కార్యక్రమంలో చిత్ర యూనిట్ సభ్యులు పాల్గొన్నారు.