అనంతగిరి (విజయక్రాంతి): మండల పరిధిలోని శాంతినగర్ జిల్లా పరిషత్ ఉన్నత పాఠశాలలో పదవ తరగతి చదువుతున్న గుగులోత్ తిరుమలేష్ బావిలో పడి చనిపోయిన సంఘటన చోటుచేసుకుంది స్థానికులు తెలిపిన వివరాల ప్రకారం.. చింతలపాలెం మండలం నక్కగూడెంకు చెందిన తిరుమలేశ్ తరుణ్ లు ప్రభుత్వ వసతి గృహంలో ఉంటూ స్థానిక జిల్లా పరిషత్ పాఠశాలలో పదవ తరగతి చదువుతున్నాడు. హాస్టల్లో విద్యార్థులకు ట్యూషన్ చెప్పే శాంతినగర్ గ్రామానికి చెందిన వీరబాబు పొలం పనుల నిమిత్తం ఇద్దరినీ తీసుకెళ్లినట్లు తెలిపారు. అనంతరం ఈత కొడదామని బావి దగ్గరకు వెళ్లారని వీరబాబు బావిలోకి దిగిన అనంతరం తిరుమలేష్ ను కూడా దూకమని చెప్పాడంతో బావిలోకి దూకిన తిరుమలేష్ నీళ్లలో మునిగిపోవడంతో వీరబాబు కేకలు వేసినప్పటికీ చుట్టుపక్కల వారు వచ్చే సరికి చనిపోయినట్లు తెలిపారు. దీనిపై పూర్తి వివరాలు తెలియాల్సి ఉంది.