సుధీర్‌బాబు హీరోగా తెరకెక్కుతున్న చిత్రం ‘మా నాన్న సూపర్‌హీరో’. ‘లూజర్’ సిరీస్ ఫేమ్ అభిలాష్‌రెడ్డి కంకర దర్శకత్వం వహిస్తున్న ఈ చిత్రాన్ని సునీల్ బలుసు నిర్మిస్తున్నారు. ఇప్పటికే షూటింగ్ పూర్తి కాగా ప్రస్తుతం పోస్ట్ ప్రొడక్షన్ వర్క్ జరుపుకుంటోందీ సినిమా. అయితే, మేకర్స్ మంగళవారం ఈ మూవీ రిలీజ్ డేట్‌ను ప్రకటించారు. దసరా సెలవుల్లో ప్రేక్షకులకు వినోదం పంచేందుకు ఆ పండుగ సందర్భంలో ఈ సినిమాను విడుదల చేయనున్నట్టు తెలిపారు. సరైన తేదీని త్వరలో వెల్లడిస్తామని పేర్కొన్నారు. ప్రేమ, అనుబంధాలకు నిజమైన అర్థాన్ని తెలుసుకుంటూ జర్నీని సాగించే ఈ ఫాదర్ అండ్ సన్ డ్రామాలో ఆర్ణ హీరోయిన్‌గా నటిస్తోంది. ఈ సినిమాకు డీవోపీ: సమీర్ కళ్యాణి, సంగీతం: జై క్రిష్.