కన్నడ ఇండస్ట్రీలో భారీ చిత్రాలను నిర్మిస్తున్న కేవీఎన్ ప్రొడక్షన్స్ నుంచి ధృవ సర్జా హీరోగా నటిస్తున్న ‘కేడీ ది డెవిల్’ చిత్రం రానుంది. ప్రేమ్ దర్శకత్వంలో ఈ మూవీ తెరకెక్కుతోంది. తాజాగా ఈ సినిమా నుంచి కన్నడ నేల ఆచార సంస్కృతులు, భారతీయ జానపద గేయాల్లోని అందాన్ని చూపించేలా ‘శివ శివ’ అనే పాటను విడుదల చేశారు.

ఈ పాటను హిందీలో అజయ్ దేవగణ్, తమిళంలో లోకేశ్ కనకరాజ్, తెలుగులో హరీశ్ శంకర్ రిలీజ్ చేస్తూ చిత్ర యూనిట్‌కు అభినందనలు తెలియజేశారు. అర్జున్ జన్యా బాణీ, విలియం డేవిడ్ కొరియోగ్రఫీ పాట గొప్పదనాన్ని చాటి చెబుతున్నాయి. కన్నడలో ఈ పాటను ప్రేమ్, కైలాష్ కేర్ ఆలపించారు. తెలుగు, తమిళంలో విజయ్ ప్రకాశ్, మలయాళంలో ప్రణవం శశి పాడారు. ఇక హిందీలో కైలాష్ కేర్, సలీమా మాస్టర్ కలిసి ఆలపించారు.

కన్నడలో ఈ పాటను మంజునాథ్ బీఎస్, తమిళంలో మదన్ కార్కి, తెలుగులో చంద్రబోస్, హిందీలో రక్విబ్ ఆలం, మలయాళంలో మన్‌కోంబు గోపాలకృష్ణన్ రాశారు. భిన్నత్వంలో ఏకత్వాన్ని ప్రతిబింబించేలా, భారతీయ జానపద గీతాల్లోని అందాన్ని చూపించేలా సాగుతుందీ పాట.