హీరో సిద్ధు జొన్నలగడ్డ సోదరుడు చైతు జొన్నలగడ్డ ప్రధాన పాత్రలో  తెరకెక్కుతున్న చిత్రం ‘ఎంఎం (మోసెస్ మాణిక్‌చంద్) పార్ట్-2’. ‘ఎ రియల్ విలన్ ఈజ్ ఆల్వేస్ బెటర్ దేన్ ఎ ఫేక్ హీరో’ అనేది ఈ మూవీ ట్యాగ్‌లైన్. చైతు ఈ చిత్రానికి ప్రధాన పాత్ర పోషించడమే కాకుండా, కథ, స్క్రీన్ ప్లే, డైలాగ్స్‌ను కూడా అందించారు. ‘బొమ్మ’ చిత్రం ఫేమ్ రాజ్ విరాట్ దర్శకత్వం వహిస్తున్నారు.

పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్న ఈ సినిమా టైటిల్, ఫస్ట్‌లుక్ శుక్రవారం విడుదలైంది. స్టార్ హీరో నాని సినిమా టైటిల్, ఫస్ట్‌లుక్ పోస్టర్‌ను ఆవిష్కరించి, టీమ్‌కు శుభాకాంక్షలు తెలిపారు. ఫస్ట్‌లుక్ పోస్టర్‌లో చైతు జొన్నలగడ్డ డిఫరెంట్ లుక్‌లో కనిపిస్తున్నాడు. పూర్తి స్థాయి ఎంటర్‌టైనర్‌గా రూపొందుతున్న ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు.