ఆర్ట్ మేకర్స్ సమర్పణలో ఓ నూతన చిత్రం తెరకెక్కనుంది. మద్దుల మదన్ కుమార్ దర్శకుడిగా పరిచయం కానున్న ఈ సినిమా పూజా కార్యక్రమాలు ఇటీవల మణికొండ లోని శివాలయంలో  జరిగాయి. ముహూర్తపు సన్నివేశానికి హీరో రవితేజ మహాదాస్యంపై ‘బేబీ’ ఫేమ్ విరాజ్ అశ్విన్ క్లాప్ కొట్టగా, ప్రముఖ రచయిత పురాణపండ శ్రీనివాస్ కెమెరా స్విచ్ ఆన్ చేసి కొత్తవారు చేస్తున్న ఈ ప్రయత్నం ఫలించాలని అభినందనలు తెలిపారు. సౌజన్య కావురి నిర్మిస్తున్న ఈ సినిమాకి దియా, సంజీవ్ కోనేరు, వెంకట్ రమణారెడ్డి సహ నిర్మాతలుగా వ్యవహరిస్తున్నారు. నితి రెడ్డి చిమ్ముల, అఖిల్ దేశ్ పాండే, మక్కెన విజయ్, జక్కా రాజశేఖర్ రెడి ఇతర సాంకేతిక వర్గం.