న్యూఢిల్లీ: టెస్టుల్లో అరుదైన ఫీట్ భారత్ పేరు నుంచి సౌతాఫ్రికా పేరుకు మారిపోయింది. నిన్నటి వరకు టెస్టు క్రికెట్‌లో ఒక జట్టుపై అత్యధిక సిరీస్‌లు కొల్లగొట్టిన జట్లుగా మొదటి స్థానంలో భారత్ (9), ఆస్ట్రేలియా (9) అగ్రస్థానంలో ఉండేవి. కానీ విండీస్‌తో జరిగిన రెండో టెస్టును గెలుచుకోవడం ద్వారా సిరీస్ సొంతం చేసుకున్న సఫారీలు ఈ రికార్డును తమ పేర లిఖించుకున్నారు. విండీస్ మీద గత పది పర్యాయాలుగా సిరీస్‌లు గెలిచిన జట్టుగా రికార్డు నెలకొల్పారు. 1991-92 కాలంలో సౌతాఫ్రికా విండీస్ చేతిలో సిరీస్ ఓడిపోయింది. ఆ తర్వాత ఇప్పటి వరకు ఒక్క సిరీస్ ఓటమి కూడా చవిచూడలేదు.