కామారెడ్డి, అక్టోబర్ 10 (విజయక్రాంతి): నిజామాబాద్ జిల్లా కేం ద్రంలో గంజాయి తరలిస్తున్న వ్యక్తిని ఎక్సైజ్ పోలీసులు శనివారం రాత్రి పట్టుకున్నారు. నిజామాబాద్ పట ్టణంలోని కంటేశ్వర్ బైపాస్ నుంచి శనివారం రాత్రి మాధవ్ నగర్ వెళ్లే రోడ్డులో ఎక్సైజ్ పోలీసులు తనిఖీ లు చేపట్టారు. ఆ సమయంలో ఓ బైక్‌ను తనిఖీ చేయగా 2.1 కిలోల గంజాయి పట్టుబడింది. గంజాయిని స్వాధీనం చేసుకుని నిందితుడు సర్పరాజ్‌ఖాన్‌ను అరెస్టు చేసినట్టు ఎక్సైజ్ పోలీసులు తెలిపారు. అదే రోడ్డులో సాజిద్ అలీ అనే వ్యక్తి ఆటోలో 2.1 కిలోల గంజాయిని తరలిస్తుండగా పోలీసులు పట్టుకున్నారు. సాజిద్‌అలీ పరారీ లో ఉన్నాడని పోలీసులు తెలిపారు. ఇద్దరి నుంచి మొత్తం 4.2 కిలోల గంజాయిని స్వాధీనం చేసుకున్నట్టు పోలీసులు తెలిపారు.