కాప్రా (విజయక్రాంతి): ద్విచక్రవాహనం ఢీకొని ఆసుపత్రిలో చికిత్స పొందుతూ ఓ వ్యక్తి మృతి చెందిన సంఘటన చర్లపల్లి పోలీస్ స్టేషన్ పరిధిలో చోటుచేసుకుంది. పోలీసుల కథనం ప్రకారం  చర్లపల్లి డివిజన్ సోనియాగాంధీ నగర్ లో నివాసం ఉండే డేవిడ్(41) ఈనెల 14వ తేదీన ఇంటి నుంచి బయలుదేరి చక్రిపురం నుంచి చెర్లపల్లి వైపు నడుచుకుంటూ వెళుతుండగా అతివేగం, అజాగ్రత్తగా వాహనం నడుపుతూ ఓ మైనర్ బాలుడు తన ద్విచక్ర వాహనంతో డేవిడ్ ను ఢీకొట్టాడు. దీంతో తీవ్రగాయాల గురైన డేవిడ్ ను వాహనదారులు గమనించి స్థానిక పోలీసులకు సమాచారం అందించి మెరుగైన వైద్యచికిత్స కోసం ఆసుపత్రికి తరలించారు. ఆస్పత్రిలో చికిత్స పొందుతు ఈనెల 16వ తేదీన సాయంత్రం డేవిడ్ మృతి చెందినట్లు పోలీసులు పేర్కొన్నారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.