కూకట్‌పల్లి, నవంబర్ 9:  ద్విచక్ర వాహనం ఢీకొని ఓ వ్యక్తి మృతిచెందిన ఘటన కేపీహెచ్‌బీ పోలీస్ స్టేషన్ పరిధిలో చోటుచేసుకుంది. కేపీహెచ్‌బీ 4వ ఫేజ్‌లో నివసించే నరసింహమూర్తి (60) అనే వ్యక్తి  శనివారం తెల్లవారుజామున 5.30 గంటల సమయంలో 7వ ఫేజ్‌కు వెళ్లడానికి రోడ్డు దాటుతుండగా.. కేపీహెచ్‌బీ నుంచి మాదాపూర్ వైపు బుల్లెట్ బండిపై వెళ్తున్న నరేందర్ అనే వ్యక్తి ఢీకొట్టాడు. దీంతో కిందపడిపోయిన నరసింహమూర్తి తీవ్రగాయాలతో అక్కడికక్కడే మృతిచెందాడు. మృతుడి కుమారుడు నాగరాజు ఫిర్యాదు మేర కు పోలీసులు కేసు నమోదు చేసి దర్యాప్తు చేస్తున్నట్లు ఎస్సై లింగం తెలిపారు.