తుంగతుర్తి (విజయక్రాంతి): బైక్ పై వస్తున్న వ్యక్తికి ఎదురుగా వస్తున్న మరొక బైక్ ఢీకొట్టడంతో అక్కడికక్కడే వ్యక్తి మృతి చెందిన సంఘటన మండల కేంద్రంలోని స్టేడియం వద్ద బుధవారం చోటుచేసుకుంది. స్థాపికుల వివరాల ప్రకారం.. తుంగతుర్తి మండలం గాజులగూడెంకు చెందిన సీనియర్ కాంగ్రెస్ పార్టీ నాయకులు గాజుల రాములు(52) స్టేడియం వద్ద నుండి తుంగతుర్తికి వస్తుండగా మార్గమధ్యంలో మరొక బైకు ఎదురుగా ఢీకొట్టడంతో, అక్కడికక్కడే మృతి చెందినట్లు స్థానికులు తెలిపారు. జరిగిన సంఘటనపై పోలీసులు విచారణ చేస్తున్నట్లు తెలిపారు. మృతదేహాన్ని ప్రభుత్వ దవాఖానకు  తరలించారు.