సుధీర్‌బాబు నటించిన తాజా చిత్రం ‘మా నాన్న సూపర్ హీరో’. అభిలాష్ రెడ్డి కంకర దర్శకత్వంలో సునీల్ బలుసు ఈ చిత్రాన్ని నిర్మిస్తున్నారు. మేకర్స్ ఇటీవల ఫస్ట్-లుక్ పోస్టర్‌ను రిలీజ్ చేసి ప్రమోషన్స్ ప్రారంభించారు. తాజాగా గురువారం హీరో నాని ఈ సినిమా టీజర్‌ను విడుదల చేశారు. టీజర్ లాంచ్ ఈవెంట్‌లో హీరో సుధీర్‌బాబు మాట్లాడుతూ.. ‘నాన్న గురించి ఎంత చెప్పినా సరిపోదు.

ఇది మార్వెల్ సూపర్ హీరో సినిమా కాదు. కానీ ఆ సినిమాల్లో హీరోలకుండే సూపర్ పవర్ ఈ చిత్రంలో ఉంది. ఆ పవర్ పేరు ప్రేమ. ఇద్దరు సూపర్ హీరోల మధ్య జరిగే లవ్‌స్టోరీ ఇది’ అన్నారు. ఈ కార్యక్రమంలో యాక్టర్ సాయాజీ షిండే, హీరోయిన్ ఆర్ణ, మ్యూజిక్ డైరెక్టర్ జై క్రిష్, యాక్టర్ శశాంక్, డైరెక్టర్ అభిలాష్ తదితరులు పాల్గొన్నారు.