31ఏళ్ల తర్వాత జడ్పీహెచ్‌ఎస్ పూర్వ విద్యార్థుల కలయిక

హుజురాబాద్,విజయ క్రాంతి: ఏప్రిల్ 20: ఆనాటి విద్యార్థులు నాడు తాము చదువుకున్న పాఠశాలను చూసి తీపిగుర్తులను నెమరు వేసుకున్నారు. సుమారు  31 సంవత్సరాల తరువాత వారంతా కలిసి తమ ఉపాధ్యాయులను, తోటి మిత్రులను కలుసుకొని సందడి  చేశారు కరీంనగర్ జిల్లా హుజరాబాద్ మండలంలోని చెల్పూర్ జడ్పీహెచ్‌ఎస్ 1993-94 బ్యాచ్ పదవ తరగతి విద్యార్థులు... ఆదివారం పూర్వ విద్యార్థుల ఆత్మీయ సమ్మేళనాన్ని సందడిగా జరుపుకున్నారు.

ఈ సందర్భంగా పాఠశాలలో చదువుకున్నప్పటి  జ్ఞాపకాలను నెమరవేసుకు న్నారు. ఒకరికొకరు యోగక్షేమాలు అడిగి తెలుసుకున్నారు. అనంతరం భోజనాలు చేసి, ఆట పాటలతో రోజంతా సరదాగా గడిపారు. తమకు విద్యాబుద్ధులు నేర్పించిన గురువుల సేవలను కొనియాడుతూ సన్మానించారు.

ఈ కార్యక్రమంలో పాఠశాల ప్రధానోపాధ్యాయురాలు అనురాధ, పూర్వ ఉపాధ్యాయులు కాల్వ జనార్దన్ రెడ్డి, చంద్రయ్య, సీతారామయ్య, రాజేందరప్రసాద్, మల్లారెడ్డి కృష్ణప్రియ తదితరులుపాల్గొన్నారు.