హైదరాబాద్: నగరంలోని జూబ్లీహిల్స్ చెక్ పోస్ట్ సమీపంలోని స్పైసీ హోటల్లో పేలుడు సంభవించింది. ఈ ఘటనపై పోలీసులు తెలంగాణ స్పైసీ కిచెన్ రెస్టారెంట్ లో దర్యాప్తు చేస్తున్నారు. క్లూస్ టీం, డీఆర్ఎఫ్, అగ్నిమాపక బృందాలు ఘటనా స్థలానికి చేరుకున్నాయి. పేలుడు ఘటనపై ఆధారాలు క్లూస్ టీమ్, సిబ్బంది సేకరిస్తున్నాయి. బాంబ్ స్క్యాడ్ సిబ్బంది పేలుడు జరిగిన ప్రాంతానికి చేరుకున్నారు. ఈ పేలుడు వల్ల పక్కనే ఉన్న దుర్గ భవాని నగర్ లో 6 ఇళ్లు పూర్తిగా ధ్వంసం అయ్యాయి. రాళ్లు ఎగిరిపడి పక్కనే ఉన్న బస్తీలోని మహిళకు స్వల్ప గాయలైనట్లు సమాచారం. కాగా,  పేలుడు ఎలా సంభవించిందో తమకు తెలియదని హోటల్ సిబ్బంది పేర్కొన్నారు.ఈ ఘటనపై జూబ్లీహిల్స్ పోలీసులు కేసు నమోదు చేసుకొని హోటల్ మేనేజర్ ను అదుపులోకి తీసుకుని విచారిస్తున్నారు.