నాగర్‌కర్నూల్, నవంబర్ 13 (విజయక్రాంతి) : అధికార పార్టీలో క్రియాశీలకంగా పనిచేస్తున్న ఓ వ్యక్తి నాగర్‌కర్నూల్ ఎమ్మెల్యే తీరును నిరసిస్తూ అర్ధనగ్న ప్రదర్శనతో కూడిన వీడియోను బుధవారం సోషల్ మీడియాలో పోస్ట్ చేశారు. వివరాలిలా.. తెలకపల్లి మండలం దాసు పల్లికి చెందిన చీమర్ల శ్రీనివాస్‌రెడ్డి కాంగ్రెస్ పార్టీ జిల్లా అధికార ప్రతినిధిగా పనిచేస్తున్నాడు.

అయితే అవినీ తికి పాల్పడుతున్న వారికి ఎమ్మెల్యే రాజేశ్‌రెడ్డి అధిక ప్రాధాన్యం ఇస్తూ ప్రజల కోసం పనిచేస్తున్న వారిని వి స్మరిస్తున్నారని వాపోయాడు. దీనిపై నిజమైన కాంగ్రెస్ వాదులు ప్రశ్నించకపోతే రాబోయో రోజుల్లో పార్టీకి కష్టాలు తప్పవని హెచ్చరించారు. కాగా శ్రీనివాస్‌రెడ్డిని పోలీసులు అదుపులోకి తీసుకున్నట్లు కుటుంబసభ్యులు ఆరోపించారు.