పట్టాలపై చెల్లాచెదురుగా పడిపోయిన గూడ్స్‌రైలు బోగీలు

రైళ్ల రాకపోకలకు తీవ్ర అంతరాయం

పెద్దపల్లి, నవంబర్ 12 (విజయక్రాంతి): పెద్దపల్లి మధ్యలో మంగళవారం రాత్రి గూడ్స్ రైలు పట్టాలు తప్పి బోల్తాపడింది. దీంతో రైళ్ల రాకపోకలకు తీవ్ర అంతరాయం ఏర్పడింది. గజియాబాద్ నుంచి కాజీపేట వైపు ఐరన్ కాయ ల్స్‌తో వెళ్తున్న గూడ్స్ రైలు పెద్దపల్లి జిల్లా రాఘవపూర్, కన్నాల మధ్యలో పట్టాలు తప్పింది. దీంతో ఆరు భోగీలు పట్టాలపై చెల్లాచెదురుగా పడిపోయాయి.

ఈ ప్రమాదంతో ఢిల్లీ, చెన్నై వెళ్లాల్సిన రైళ్ల రాకపో కలకు తీవ్ర అంతరాయం ఏర్పడింది. సూప ర్ ఫాస్ట్ ఎక్స్‌ప్రెస్ రైళ్లతో పాటు ప్యాసింజర్, గూడ్స్ రైళ్లు ఎక్కడికక్కడ పట్టాలపై నిలిచిపోయాయి. సమా చారం అందుకున్న రైల్వే సిబ్బంది సంఘటనా స్థలానికి చేరుకున్నారు. పట్టాలపై పడిపోయిన బోగీలను తొలగించేందుకు సమయం పడుతుందని బుధవారం ఉదయం వరకు రైళ్ల రాకపోకలు కొనసాగే అవకాశం లేదని అధికారులు తెలియజేశారు.