వరుణ్ తేజ్ కథానాయకుడిగా నటిస్తున్న చిత్రం ‘మట్కా’. కరుణకుమార్ దర్శకత్వంలో డాక్టర్ విజయేందర్‌రెడ్డి తీగల, రజనీ తాళ్లూరి నిర్మిస్తున్నారు. ఈ చిత్రంలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. నవీన్ చంద్ర, సలోని, అజయ్ ఘోష్, కన్నడ కిషోర్, రవీంద్ర విజయ్ ఇతర కీలక పాత్రలు పోషిస్తున్నారు.

నవంబర్ 14న థియేటర్లలోకి రానున్న ఈ మూవీ సాంగ్స్, టీజర్, ట్రైలర్ ఇప్పటికే అంచనాలు పెంచేశాయి. తాజాగా మేకర్స్ బుధవారం రామ టాకీస్ ర్యాంప్ సాంగ్ రిలీజ్ చేశారు. భవానీ రాకేశ్ ఫోక్ నెంబర్‌గా ఈ పాటను కంపోజ్ చేశారు. డైరెక్టర్ కరుణకుమార్ స్వయంగా రాసిన జానపద సాహిత్యం ప్రత్యేక ఆకర్షణగా నిలిచింది.

సాయి దేవ హర్ష గాత్రం ఈ గీతాన్ని మరింత ప్రత్యేకంగా నిలిపింది. హీరో వరుణ్ తేజ్‌తోపాటు సినిమాలోని కీలక నటీనటులు, స్పెషల్ సెట్స్, షూటింగ్ లోకేషన్స్‌ను ప్రజెంట్ చేసిన సాంగ్ మేకింగ్ వీడియో ఆకర్షణీయంగా ఉంది. ఈ చిత్రానికి సంగీతం: జీవీ ప్రకాశ్‌కుమార్ మ్యూజిక్; సినిమాటోగ్రఫీ: ఎ కిషోర్‌కుమార్.