కామారెడ్డి (విజయక్రాంతి): కామారెడ్డి జిల్లాలో శనివారం రాత్రి జరిగిన రోడ్డు ప్రమాదంలో గేదెను ఢీ కొట్టి కారు పల్టీ కొట్టింది. కారులో ఉన్న వ్యక్తి మృతి చెందాడు. ఈ సంఘటన కామారెడ్డి జిల్లా పిట్లంలో చోటుచేసుకుంది. స్థానికుల కథనం ప్రకారం వివరాలు ఇలా ఉన్నాయి. కామారెడ్డి జిల్లా పిట్లం 161 వ జాతీయ రహదారిపై శనివారం రాత్రి వేగంగా వస్తున్న కారు కు గేదెలు అడ్డు వచ్చాయి. దీంతో గేదెను ఢీకొన్న కారు పల్టీ కొట్టింది. ఈ ప్రమాదంలో ఒకరు మృతి చెందగా మరో ఇద్దరు తీవ్రంగా గార్పడినట్లు తెలిపారు. వారిని వెంటనే అంబులెన్సు లో బాన్సువాడ ప్రభుత్వాసుపత్రికి తరలించారు.