బాలుడి దుర్మరణం

యాచారం, నవంబర్ 9: కారు ఢీ కొట్టిన ఘటనలో బాలుడు మృతి చెందిన సంఘటన యాచారం పోలీస్ స్టేషన్ పరిధిలో చోటు చేసుకుంది. పోలీసులు తెలిపిన వివరాలు.. యాచారం మండల పరిధిలోని కొత్తపల్లి గ్రామానికి చెందిన కోన్‌రెడ్డి యాదయ్య మాల్ గ్రామంలో స్థిరపడ్డాడు. అతడి కుమారుడు చరణ్ (16) తన తాత వద్దకు(కొత్తపల్లి) వెళ్లడానికి మాల్ నుంచి లిఫ్ట్ అడిగి బైక్‌పై వెళ్తున్నాడు. తమ్మలోనిగూడ గేట్ సమీ పంలోని కరెంట్ జంక్షన్ వద్దకు రాగా నే ఎదురుగా అతివేగంతో వచ్చిన కారు వారి బైక్‌ను ఢీకొట్టడంతో వెనుక కూర్చున్న చరణ్ అక్కడికక్కడే మృతి చెందాడు. బైక్ నడుపుతున్న చింతపట్ల గ్రామానికి చెందిన రవి (35)కి తీవ్ర గాయాలవడంతో చికిత్స నిమిత్తం మాల్‌లోని ఓ ప్రైవేట్ ఆసుపత్రికి తరలించారు. పోలీసులు కేసు దర్యాప్తు చేస్తున్నారు.