ఐదుగురు రైతులకు తీవ్ర గాయాలు..

మునగాల (విజయక్రాంతి): సూర్యాపేట జిల్లా మునగాల మండలం మాధవరం వద్ద జాతీయ రహదారిపై వెళ్తున్న పాదాచారులపైకి కారు దూసుకెళ్లింది. ఈ ప్రమాదంలో ఐదుగురు రైతులకు తీవ్ర గాయాలు కాగా, పిచ్చమ్మ అనే మహిళ మృతి చెందింది. హైదరాబాద్ నుంచి విజయవాడ వైపు వెళ్తున్న కారు అదుపుతప్పి ముందు వెళ్తున్న ద్విచక్రవాహనంను ఢీకొట్టి పాదచారులపైకి వెళ్ళింది. మాధవరానికి చెందిన రైతులు పొలానికి పురుగు మందు కొట్టేందుకు పనికి వెళ్తుండగా ప్రమాదం చోటుచేసుకుంది. కారు చోదకుడి నిద్రనే ప్రమాదానికి కారణమని స్థానికులు తెలిపారు. క్షతగాత్రులను సూర్యాపేట ప్రభుత్వ ఆసుపత్రికి తరలించి చికిత్స అందిస్తున్నారు.