కామారెడ్డి, (విజయక్రాంతి): కామారెడ్డి జిల్లాలో ఓ మహిళను గుర్తు తెలియని వ్యక్తులు దారుణంగా హత్య చేశారు. ఎవరు  చేశారు, ఎందుకు చేశారు, అనే కోణంలో పోలీసులు విచారణ చేపట్టారు. సోమవారం రాత్రి బాన్సువాడ పట్టణంలోని కల్కి చెరువు వద్ద ఈ దారుణ ఘటన జరిగింది. మహిళా చేతులు కట్టేసి దాడి చేసినట్లు తెలుస్తుందని పోలీసులు తెలిపారు. స్థానికులు ఇచ్చిన సమాచారం మేరకు మంగళవారం ఉదయం సంఘటన స్థలానికి వెళ్లి చూడగా మహిళా ముఖంపై కత్తితో దాడి చేసి హత్య చేసి ఉంటారని అనుమానాలు వ్యక్తమవుతున్నాయి. సంఘటన స్థలానికి బాన్సువాడ సిఐ అశోక్ చేరుకొని వివరాలు సేకరిస్తున్నట్లు తెలిపారు. పూర్తి వివరాలు తెలియాల్సి ఉందని ఆయన పేర్కొన్నారు.