హీరో సత్యదేవ్, కన్నడ స్టార్ డాలీ ధనుంజయ నటిస్తున్న మల్టీ-స్టారర్ చిత్రం ‘జీబ్రా’. ‘లక్ ఫేవర్స్ ది బ్రేవ్’ అనేది ట్యాగ్‌లైన్. ధైర్యవంతులనే అదృష్టం వరిస్తుందని చెప్పే కథతో ఈ సినిమాను దర్శకుడు ఈశ్వర్ కార్తీక్ తెరకెక్కిస్తున్నారు. పద్మజ ఫిలింస్ ప్రైవేట్ లిమిటెడ్, ఓల్డ్ టౌన్ పిక్చర్స్ బ్యానర్లపై ఎస్‌ఎన్.రెడ్డి, ఎస్.పద్మజ, బాల సుందరం, దినేశ్ సుందరం నిర్మిస్తున్నారు. ఇందులో సత్య అక్కల, జెన్నిఫర్ పిసినాటో, సునీల్, ప్రియా భవానీ శంకర్ కూడా వివిధ పాత్రల్లో నటిస్తుండగా.. మేకర్స్ ప్రధాన పాత్రలను పరిచయం చేస్తూ మంగళవారం ఓ మోషన్ పోస్టర్‌ను విడుదల చేశారు.

ప్రతి పాత్రను ఇంటెన్స్ ఎక్స్‌ప్రెషన్‌తో ప్రజెంట్ చేస్తున్న ఈ మోషన్ పోస్టర్ సినిమాపై అంచనాలను పెంచింది. చివరి ఫ్రేమ్‌లలో మొత్తం నటీనటులు కనిపిస్తున్నారు. కాయిన్ తిప్పడం, కరెన్సీ నోట్లు, ఫ్లుఓవర్ బ్రిడ్జిపై నుంచి కారు దూకడం వంటి వాటితో ఎక్సయిటింగ్ డైనమిక్ ఎలిమెంట్స్ క్రియేటివ్‌గా ప్రజెంట్ చేసిందీ పోస్టర్. ఈ చిత్రాన్ని దీపావళి సందర్భంగా అక్టోబర్ 31న అన్ని దక్షిణ భారత భాషలతోపాటు హిందీలో విడుదల చేయనున్నట్టు ప్రకటించారు. ఈ సినిమాకు డైలాగ్స్: మీరాఖ్; సంగీతం: రవి బస్రూర్; డీవోపీ: సత్య పొన్మార్; స్టంట్స్: సుబ్బు.