న్యూఢిల్లీ: లాభదాయకమైన సౌరశక్తి సరఫరా కోసం భారత ప్రభుత్వ అధికారులకు రూ. 2,029 కోట్లు (యుఎస్ $ 265 మిలియన్లు) లంచం ఇచ్చినందుకు అదానీ గ్రూప్ చైర్మన్ గౌతమ్ ఎస్ అదానీ, అతని మేనల్లుడు సాగర్ అదానీతో పాటు మరో ఆరుగురిపై న్యూయార్క్‌లోని యుఎస్ ప్రాసిక్యూటర్లు బుధవారం అభియోగాలు మోపారు. అదానీ కోసం కుట్రదారులు "న్యూమెరో యునో", "ది బిగ్ మ్యాన్" వంటి కోడ్ పేర్లను ఉపయోగించారని ప్రాసిక్యూటర్లు పేర్కొన్నారు. అదానీ, అతని మేనల్లుడు సాగర్ అదానీ, ఇతరులకు అరెస్ట్ వారెంట్లు జారీ చేసినట్లు సమాచారం. "ఈ నేరారోపణలో భారత ప్రభుత్వ అధికారులకు 250 మిలియన్లకు పైగా లంచాలు చెల్లించడం, బిలియన్ల డాలర్లను సేకరించేందుకు పెట్టుబడిదారులు, బ్యాంకులకు అబద్ధాలు చెప్పడం, న్యాయాన్ని అడ్డుకోవడం వంటి పథకాలను ఆరోపించింది" అని యుఎస్ అటార్నీ కార్యాలయం, ఈస్టర్న్ డిస్ట్రిక్ట్ ఆఫ్ న్యూయార్క్ విడుదల చేసింది. యుఎస్ డిప్యూటీ అసిస్టెంట్ అటార్నీ జనరల్ లిసా హెచ్ మిల్లర్‌ను ఉటంకిస్తూ అన్నారు. భారత్ లో పోర్టులు, విమానాశ్రయాలు, పునరుత్పాదక ఇంధన రంగాల్లో అగ్రగామి పారిశ్రామిక వేత్తగా అదానీ కొనసాగుతున్నారు. రాబోయే 20 ఏళ్లలో 2 బిలియన్ డాలర్ల ఆదాయం సంపాదించే ఓ కాంట్రాక్టు విషయంలో అవకతవకలు జరిగినట్లు వార్తలోస్తున్నాయి. ఈ విషయంపై అదానీ గ్రూప్ ఇంకా స్పందించలేదు.